الجمعة، 10 يونيو 2011

تفاصيل البوم عمرو دياب 2011



 تفاصيل البوم عمرو دياب الجديد 2011
  يحمل الالبوم اسم .. هى حياتى


رغم ان ده لسه مش اكيد
عمرو هيقدم ان شاء الله البوم مختلف تماما
يعنى عمرو فى اخر البوماته كان مركز على الهاوس اوى
الالبوم ده عمرو هيخلى شكله مختلف و هيبقى جامع بين الميوزيك الاسبانيه و الموسيقى الشرقيه فى اغانى المقسوم
يعنى هنلاقى عمرو مجمع شكل الميوزيك فى البوم ليلى نهارى و البوم كمل كلامك مع بعض فى البوم واحد
توزيع الالبوم كامل هيبقى .. عادل حقى
الحان الالبوم هيبقى معظمها .. عمرو دياب ما عدا لحن او اتنين للملحن الليبى البدرى كلباش
و طبعا عمرو مصطفى اتاكد غياب الحانه عن البوم عمرو دياب لاول مره من 11 سنه اشتغل عمرو مصطفى فيهم مع عمرو دياب
مع ان فى احتمال ان فى اغنيه هتبقى من الحان عمرو مصطفى كان ملحنها من فتره على اساس انها كانت هتنزل فى البوم وياه بس منزلتش فى البوم وياه و احتمال عمرو دياب يضكمها السنه دى فى البومه الجديد
كلمات الالبوم ... هيبقى عمرو دياب و بهاء و خالد تاج و ايمن و تامر حسين
اداء عمرو غير عادى و بجد هيبقى مفاجأه من الهضبه بجد هيبقى اداء توب فعلا و لما ينزل الالبوم هتتأكدوا من كلامى ده

الاغانى التى من المحتمل ان يتضمنها الالبوم
مفيش شك اغنيه ياريت سنك عمرو دياب قرر يضمها للالبوم بعد طلب معجبين و محبين عمرو انها تبقى ضمن الالبوم
الاغنيه هيبقى لحنها قريب من اغنيه الله لا يحرمنى منك و بتوزيع اغنيه روحى مرتحالك
الاغنيه دى هتكسر الدنيا بجد و هتبقى من اقوى اغانى 2011 و من اقوى اغانى الالبوم و هيبقى فيها مقسوم اكيد

الاغنيه الثانيه اسمها على راحتك و ان شاء الله هتنزل فى الالبوم
الاغنيه الثالثه اسمها مالى عينيا بس بكلمات جديده طبعا غير اللى غناها عمرو فى حفله جامعه المستقبل
الاغنيه الرابعه الومك ليه و دى هتبقى اغنيه كلاسيك تحفه و فيها سلوهات
الاغنيه الخامسه اسمها تجربه و عدت او تعبت انا هتنزل باسم من الاتنين دوول اغنيه تحفه طبعا و هتكسر الدنيا مفيش شك فى كده
الاغنيه السادسه عارف حبيبى و اكيد انها ضمن الالبوم و بجد مفيش كلام يوصف الاغنيه دى
الاغنيه السابعه هى حياتى و دى هتبقى من الحان الليبى البدرى كلباش .. هتبقى اغنيه ملهاش حل
و على فكره فى اغنيه كمان من الحان البدرى كلباش بس لسه متحددش ليها اسم
الاغنيه الثامنه دى هتبقى اسمها بان هوانا من الحان عمرو مصطفى و كانت المفروض هتنزل فى البوم وياه بس فى اخر لحظه عمرو قرر انه ياجلها و متنزلش فى البوم وياه
بس هتبقى ان شاء الله فى الالبوم السنه دى و بعد انسحاب عمرو مصطفى من الالبوم فدى هتبقى الاغنيه الوحيده اللى من الحان عمرو مصطفى
موعد الالبوم المفروض ان شاء الله فى يونيو او يوليو بالكتير جدا لان عمرو سجل حوالى 80% من الالبوم بس كل الموضوع ان عمرو متردد شويه عشان انتخابات الرئاسه و البرلمان فاحتمال يكون بيفكر فى تاجيل الالبوم
بس ان شاء الله عمرو ميتاخرش علينا و يقرر ينزل الالبوم فى الصيف فعلا
بس فى احتمال ان عمرو ياجل الالبوم لشتاء 2012
بس عمرو يعتبر مخلص تسجيل اغانى كتير من الالبوم و لو عايز ينزل الاسبوع ده هينزله بس خوفه كله من وضع البلد و حاله الركود الموجوده بسبب الاحداث اللى بنمر بيها .

تابع معنا اجدد اخبار الفنانين علي عرب تيمز

شارك برايك وقول تعليقك
 


ليست هناك تعليقات:

إرسال تعليق